一枝草一點露,天無絕人之路。
日頭赤焱焱,隨人顧性命。
歹年冬,雞母踏雞公。
仙人拍鼓有時錯,跤步踏差啥人無?
未食五月節粽,破裘毋甘放。
未學行,先學飛;未種子,先挽瓜。
瓜仔園揀瓜,愈揀愈花。
生的請一邊,養的人情(功勞)較大天。
田無交,水無流。
目珠(睭)花花,匏仔看做菜瓜。
在生一粒豆,較贏死了拜豬頭。
在生無人認,死了規大陣。
好天無存雨來糧,到雨來無思量。
好歹菜一步燒,歹歹查某一步笑。
好田地,不如好子弟。
有一好著無二好,有新婦著無牛母。
有人山內討食,有人海裡討掠。
喙唸經,手摸奶。
惡馬惡人騎,胭脂馬拄著關老爺。
揀也揀,揀著賣龍眼。
揀囝婿揀後注,毋通揀人富。
棚頂做甲流汗,棚跤嫌甲流瀾。
無心假有心,摜籃仔假燒金。
一個某,較贏三身天公祖。
一兼二顧,摸蜊仔兼洗褲,蕃薯溝兼種芋。
一牽成,二好運,三才情。
一粒田螺九碗湯,三粒田螺一掩缸。
一頓久久,兩頓相拄。
一暝全頭路,天光無半步。
一錢二緣,三嫷四少年。
人若衰,種匏仔生菜瓜。
人情留一線,日後好相看。
人濟話著濟,三色人講五色話。
入虎口,無死也(嘛半)烏漚。
入門看人意,出門看山勢。
卜吼無目屎,卜哭無路來。
卜食好魚,著近水墘。
無冤無家,不成夫妻。
無聽老人言,食虧在眼前。
善有善報,惡有惡報;毋是不報,時辰未到。
趁錢有數,性命愛顧。
飯後行百步,較好開藥舖。
勤儉才有底,浪費不成家。
溜溜瞅瞅,食兩蕊目珠(睭)。
一狗吠影,百狗吠聲。
三人仝一心,烏土變成金。
三年一閏,好歹照輪。
乞食神,孝男面;早去睏,晏精神。
大人be起,囡仔佔椅。
不孝新婦三頓燒,有孝查囝路上搖。
六月雷,七月湧;六月林菝,七月龍眼。
公廳無人掃,公親情無人叫食晝。
天無照甲子,人無照情(天)理。
少年袂曉想,食老毋成樣。
手抱孩兒,才知父母時。
有山便有水,有神便有鬼。
有手伸無路,有跤行無步。
有食有行氣,有燒香有保庇。
有樣看樣,無樣家己想。
有錢講話會大聲,無錢講話無人聽。
江湖一點訣,妻女不可說。
花食露水,魚食流水,人食喙水。
近廟欺神,路頭遠才有親。
食人一口,報(還)人一斗。
食果子拜樹頭,食米飯敬田頭。
食苦,那食補。
倖豬夯灶,倖囝不孝,倖某走摳,倖查某囝袂落人家教。
唐山過台灣,心肝結規丸。
害人不害己,害著家己死。
家和萬事成,家吵萬世窮。
一人一家代,公媽隨人在(拜)。
一人一般心,無錢堪買針。
一人主張,毋值兩人思量。
一人看出一家,新婦看出大家。
一人傳虛,百人傳實。
一人煩惱一樣,無人煩惱相親像。
一人講一項,無人講相仝。
一支喙吱吱彈,尻川予人犁田。
一日走拋拋,一暝點燈膋(蠟)。
一代親,二代表,三代散了了。
一囝扑毋食,濟囝搶咧食。
一年新婦,兩年話拄,三年師傅。
一更窮,二更富,三更起大厝,四更拆袂赴。
做牛著愛拖,做人著愛磨。
做甲流汗,嫌甲流瀾。
做戲倥,看戲戇。
娶某冊免讀;嫁翁跤免縛。
娶某看娘奶(嬭),買園看田底。
娶著好某較好做祖,娶著歹某一世人艱苦。
掠姦在床,掠賊在贓。
教囝學泅,毋通教囝beh 樹。
教豬教狗,不如家己走。
深犁重耙,較好放橫債。
第一顧腹肚,第二顧佛祖。
細空毋補,大空叫苦。
細漢偷挽匏,大漢偷牽牛。
頂司管下司,鋤頭管糞箕。
頂港有名聲,下港有出名。
食喙毋認,尻川爛到面。
喙唇一粒珠,相罵毋認輸。
跤手慢鈍,卜搶無份。
論輩,無論歲。
豬仔囝會上槽,豬母食屎無。
嫷花佇別人欉,嫷某佇別人房,嫷查某是過路人。
嫷某驚人看,嫷厝驚人蹛。
蕃薯(藷)毋驚落塗爛,只求枝葉代代湠。
輸人毋輸陣,輸陣歹看面。
關門著閂,講話著看。
嚴官府出厚賊,嚴父母出阿里不達。
顧前無顧後,代代囝孫吼。
顧賊一暝,做賊一更。
聽某喙,大富貴;聽某令,較好敬神明。
驚某大丈夫,扑某豬狗牛。
|